ALDAKETETARA EGOKITZEKO ERA OSASUNGARRIA
Martxoak 31, asteartea, 19:00etan. Hotel Tres Reyes. Henrike IV.a aretoa. Iruña.
LAURA ROJAS-MARCOS Psikologia Kliniko eta Osasuneko doktorea, psikoterapeuta, ikertzailea, idazlea eta hizlaria.
Mark Beyebach, Psikologiako doktorea eta Psikologia Klinikoko espezialista. Aurkezle eta moderatzaile arituko da.
Bizia aldaketa da. Gu eta gure inguruan existitzen dena etengabe aldatzen ari gara. Aldaketa batzuk onerako dira; beste batzuek, berriz, ziurgabetasun edo/eta atsekabea sortzen digute. Laura Rojas-Marcosek erakutsiko dizkigun estrategiek eta metodoek modua emango digute aldaketetara egokitzeko, eta lagunduko digute aldaketok hobe eramaten, azkenean indartsu atera eta nortasun mardula garatu dezagun. Adibide praktikoak erakutsiko ditu.
ALDAKETETARA EGOKITZEKO ERA OSASUNGARRIA
Laura Rojas-Marcos: Psikologia Kliniko eta Osasuneko doktorea, psikoterapeuta, ikertzailea, idazlea eta hizlaria..
Mark Beyebach. Psikologiako doktorea eta Psikologia Klinikoko espezialista.
Aurkezle eta moderatzaile arituko da.
Martxoak 31, asteartea, 19:00etan. Hotel Tres Reyes. Henrike IV.a aretoa. Iruña-Pamplona
Jaiotzen garenetik hil arte aldatzen ari gara, gu eta gure inguruan existitzen den oro. Bizitzan, aldatzen dira gure sentimenduak, gure harremanak, gure jokaerak eta gurariak, baita munduaren gure ikuspegia ere. Dena aldatzen da, eta ezer ez da aldaezina.
Aldaketak onerako edo txarrerako izan daitezke, barnekoak edo kanpokoak. Gutako edonor desberdin jokatzen dugu, aldaketa motaren, ematen diogun esanahiaren eta gure bizitzan duen eraginaren arabera. Aldaketak kudeatzen ikastea lagungarria zaigu gure bizitza kontrolatzen dugula sentitzeko, geure buruan konfiantza izateko, eta besteekin harreman osasungarriak eraikitzeko. Horretarako, gure gaitasunak, bitartekoak, indarguneak eta mugak ezagutu behar ditugu, eta jarrera proaktibo eta baikorra izan.
Aldaketek berriz hastera behartzen gaituzte, etapa berri bati heltzera, geure burua berrasmatzera, eta erronka berriei aurre egitera. Beraz, aldaketara egokitzeko prozesua erraztuko diguten estrategiak eta metodoak ikasiz, horiek ahal bezain ongi eramango ditugu eta, azkenean, indartsu atera eta nortasun mardula garatuko dugu. Adibide praktiko batzuk ikusiko ditugu.
Hizlariak
Laura Rojas-Marcos
Psikologia Kliniko eta Osasuneko doktorea, psikoterapeuta, ikertzailea, idazlea eta hizlaria.
Bere arloko profesional ospetsu eta ezagunenetako bat da. Parisko Sorbonako Humanitateetan ekin zien ikasketei, New Yorkeko Unibertsitatean lizentziatu zen Psikologian, eta Psikologia Masterra egin zuen Yeshivako Albert Einstein Unibertsitatean.
Dorre Bikietako atentatuen ondoren, boluntario aritu zen Gurutze Gorrirako laguntzen, eta biktimei asistentzia psikologikoa emateko gobernuak sortutako programan aritu zen laguntzaile.
2002tik, Madrilen bizi da, psikologiako kontsulta pribatu batean dabil lanean, eta askotariko gizarte eta osasun mental arloko erakundeekin aritzen da lankidetzan. “La vida es cambio. El cambio es vida” programaren koordinatzailea izan da.
Esaten du asko ikasi duela Luis Rojas-Marcos aitarengandik. Zoragarri kudeatzen ditu emozioen kudeaketari lotutako gaiak, eta hizlari bikaina da.
Hauek argitaratu ditu: El sentimiento de culpa; Hablar y Aprender; Somos cambio eta La Familia.
Mark Beyebach, Psikologiako doktorea eta Psikologia Klinikoko espezialista. Aurkezle eta moderatzaile arituko da.
NUPeko Osasun Zientzien Saileko irakaslea. Bere ikerketa-ildoek aldaketa-prozesuei eta askotariko interbentzio-testuinguruetan lankidetza-harremanak sortzeari erreparatu diete. Artikulu zientifiko eta liburu atal ugari argitaratu ditu psikoterapia eta gizarte-interbentzioko soluzioei erreparatzen dieten ikuspegiak erabiltzeari buruz.
Liburu hauexek argitaratu ditu: “Cómo criar hijos tiranos. Un manual de anti-ayuda para padres de niños y adolescentes” “Changing self-destructive habits. Pathways to solutiones with couples and families” “Intervención escolar centrada en soluciones: Conversaciones para el cambio en la escuela”.
Martxoak 31, asteartea, 19:00etan. Hotel Tres Reyes.
Henrike IV.a aretoa. Iruña-Pamplona
www.ciclodialogosnavarra.com
658 750 666 (9-etatik/13-etara)
Sarrera doan aforoa bete arte.
AURREZ IZENA-EMATEA EZINBESTEKOA
Webgunean formularioa bete beharko duzu sarrera zure e-postan jasotzeko
Zer da Elkarrizketak?
“Etika, humanismo eta zientziako elkarrizketak” zikloa topagune bat da, gaurkotasuna eta gizarte-interesa duten hainbat gairen inguruko pentsamendu eta eztabaidarako.
Gizarte-, ekonomia-, teknologia-, kultura- eta bestelako aldaketen eta horien abiaduraren ondorioz, herritarrek iritzia eman behar izaten dute, eta are, jokabideak erabaki ere, gogoeta nahikorik egin ez duten eredu eta egoera berriei buruz.
Gai berri horiei eta gizateriak betidanik egin izan dituen galderei erantzuteko, ELKARRIZKETAK sortu zen. Egitasmo horren helburua da guk iritzi heziagoa eta kontrastatuagoa izaten laguntzea.
Topaketa hauetan, ospe ezaguneko hizlariek beren gogoetak eta esperientziak azalduko dituzte proposatutako gaiaren inguruan eta, ondoren, elkarrizketa bat izango dute bertaratutako herritarrekin.
Egitasmo hau Laboral Kutxak bultzatu du, NUPekin lankidetzan.
Babeskeak
Egitasmo hau Laboral Kutxak bultzatu du, NUPekin lankidetzan
